---
title: "മാസപ്പടി,  കർത്തയുടെ ഡയറിയിൽ മുഖ്യമന്ത്രിയുടെ പേരും, പിണറായിയടക്കം പ്രമുഖരുടെ പേരുകൾ ; രേഖകൾ പുറത്തുവിട്ട് ഷോൺ ജോർജ്"
english_title: "Masappadi Case Kartha Diary Chief Minister Pinarayi Names Shawn George Releases Documents"
publisher: "thalasserynews.in"
canonical_url: "https://thalassery.truevisionnews.com/news/384041/ masappadi-kartha-diary-pinarayi-names-shawn-george-documents"
published_at: "2026-09-24T14:18:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab4e4572ec15_masappadi-kartha-diary-pinarayi-names-shawn-george-documents.jpg"
keywords: []
---

# മാസപ്പടി,  കർത്തയുടെ ഡയറിയിൽ മുഖ്യമന്ത്രിയുടെ പേരും, പിണറായിയടക്കം പ്രമുഖരുടെ പേരുകൾ ; രേഖകൾ പുറത്തുവിട്ട് ഷോൺ ജോർജ്

> **Lead Summary:** മാസപ്പടി കേസിൽ മുഖ്യമന്ത്രി വി ഡി സതീശന്‍റെയും പ്രതിപക്ഷ നേതാവ് പിണറായി വിജയന്‍റെയുമടക്കം നിരവധി പ്രമുഖരുടെ പേരുമുണ്ടെന്ന് ബിജെപി നേതാവ് ഷോൺ ജോർജ്. എൻഫോഴ്സ്മെന്റ് ഏജൻസിയായ എസ് എഫ് ഐ ഒ കോടതിയിൽ സമർപ്പിച്ച രേഖകൾ പുറത്തുവിട്ടാണ് ബിജെപി നേതാവ് രംഗത്തെത്തിയിരിക്കുന്നത്.

## Article Content

മാസപ്പടി കേസിൽ മുഖ്യമന്ത്രി വി ഡി സതീശന്‍റെയും പ്രതിപക്ഷ നേതാവ് പിണറായി വിജയന്‍റെയുമടക്കം നിരവധി പ്രമുഖരുടെ പേരുമുണ്ടെന്ന് ബിജെപി നേതാവ് ഷോൺ ജോർജ്. എൻഫോഴ്സ്മെന്റ് ഏജൻസിയായ എസ് എഫ് ഐ ഒ കോടതിയിൽ സമർപ്പിച്ച രേഖകൾ പുറത്തുവിട്ടാണ് ബിജെപി നേതാവ് രംഗത്തെത്തിയിരിക്കുന്നത്.

സി എം ആർ എൽ മാനേജിംഗ് ഡയറക്ടർ ശശിധരൻ കർത്തായിൽ നിന്ന് പിടിച്ചെടുത്ത ഡയറിയിലെ സുപ്രധാന എൻട്രികൾ അടങ്ങിയ പേജാണ് ഷോൺ ജോർജ് പങ്കുവെച്ചത്. എൽഡിഎഫ്, യുഡിഎഫ് പ്രമുഖ നേതാക്കളുടെ പേരുകൾ വ്യക്തമായി കുറിച്ചിട്ടുള്ള പേജിൽ മുഖ്യമന്ത്രി വി ഡി സതീശനും ഉൾപ്പെട്ടത് ചൂണ്ടിക്കാട്ടിയ ഷോൺ, മാസപ്പടി കേസിൽ ഇ ഡിയുടെ കത്തിൽ സംസ്ഥാന സർക്കാർ പിണറായിക്കെതിരെ വിജിലൻസ് അന്വേഷണം പ്രഖ്യാപിക്കാത്തതിന്‍റെ കാരണം ഇതാണെന്നാണ് പറഞ്ഞുവച്ചിരിക്കുന്നത്. പിണറായി വിജയന്റെ പേര് 'പി വി' എന്നല്ല, 'പിണറായി' എന്ന് തന്നെയാണ് ഡയറിയിൽ രേഖപ്പെടുത്തിയിരിക്കുന്നതെന്നും വ്യക്തമായിട്ടുണ്ട്.

പേരുകൾ ഇങ്ങനെ

ഉമ്മൻ ചാണ്ടി, രമേശ് ചെന്നിത്തല, വി എസ് അച്ചു..., കെ മുരളീധരൻ, സി കെ ചന്ദ്രപ്പൻ, എളമരം കരീം, ഗോവിന്ദൻ മാസ്റ്റർ, ഹൈബി ഈഡൻ, പന്ന്യൻ രവീന്ദ്രൻ, എസ് ശർമ്മ, പി രാജീവ്, ഷിബു ബേബി ജോൺ, കെ ബി ഗണേഷ് കുമാർ തുടങ്ങിയ രാഷ്ട്രീയ നേതാക്കളുടെ പേരുകൾ അടങ്ങിയ താളാണ് പുറത്തുവന്നിട്ടുള്ളത്. പുറത്തുവന്ന കണക്കുകൾ നിരവധിയായ ചോദ്യങ്ങൾക്ക് മറുപടി നൽകുന്നതാണെന്നും ഇത്രയും വ്യക്തമായ തെളിവുകൾ ഉണ്ടായിട്ടും വിഷയം വിജിലൻസ് അന്വേഷിക്കാത്തത് എന്തുകൊണ്ടാണെന്നും ഷോൺ ജോർജ് ചോദ്യമുന്നയിച്ചു.

### Related Links & Sources
- [Original Story Source](https://thalassery.truevisionnews.com/news/384041/ masappadi-kartha-diary-pinarayi-names-shawn-george-documents)